فلسطین کے علاقے غزہ کی پٹی میں اسرائیلی فوج کی طرف سے کی گئی بلا اشتعال فائرنگ کے نتیجے میں ایک فلسطینی نوجوان شدید زخمی ہوگیا۔
مرکز اطلاعات فلسطین کے مطابق جمعہ کو اسرائیلی فوج نے شمالی غزہ میں جبالیا پناہ گزین کیمپ کے قریب مشین گنوں سے فائرنگ کی جس کے نتیجے میں ایک گولی فلسطینی شہری کے سر میں جا لگی جس کے باعث وہ شدید زخمی ہوگیا۔
غزہ میں سیکیورٹی اور طبی ذرائع کا کہنا ہے کہ زخمی ہونے والے نوجوان کی عمر اٹھارہ سال ہے اور اسے جبالیا میں انڈونیشی اسپتال منتقل کردیا گیا ہے جہاں اس کی حالت خطرے میں بتائی جاتی ہے۔
ادھر اسرائیلی فوج نے جبالیا کیمپ پر آنسوگیس کے گولے پھینکے جس کے نتیجے میں دم گھٹنے سے متعدد شہری بے ہوش ہوگئے۔
