ڈنمارک میں تُرکی کے سفارت خانے پرنامعلوم افراد نے سوموار کوعلی الصباح پٹرول بموں سے حملہ کیا جس کے نتیجے میں سفارت خانے کی عمارت میں آگ بھڑک اٹھی۔
مقامی ذرائع کے مطابق یہ واقعہ کوپن ہیگن میں مقامی وقت کے مطابق 2:55 پر پیش آیا جب نامعلوم افراد نے پٹرول بموں سے حملہ کرکے عمارت میں خوف وہراس پھیلایا۔
ذرائع کا کہنا ہے کہ ترک سفارت خانے پرحملے کے بعد پولیس اور فائر بریگیڈ کی ٹیمیں روانہ کردی گئی تھیں۔ پولیس کا کہنا ہے کہ ابتدائی تحقیقات سے پتا چلا ہے کہ چار افراد نے ایک ساتھ سفارت خانے پر پٹرول بم پھینکے تاہم اس حوالے سے کسی شخص کی گرفتاری کی تصدیق نہیں کی گئی۔ اس حملے میں کسی قسم کا جانی نقصان نہیں ہوا ہے۔
