مغربی ممالک امریکا میں کی گئی ایک تحقیق میں بتایا گیا ہے کہ روز مرہ کی بنیاد پر صفائی کے لیے استعمال ہونے والی مصنوعات کے انسانی پھیپھڑوں کے لیے انتہائی تباہ کن ثابت ہوسکتے ہیں۔
مرکزاطلاعات فلسطین کے مطابق بیرگن یونیورسٹی کے پروفیسر اویسٹن سفانس کی زیرنگرانی کی جانے والی تحقیق بیس سال جاری رہی ہے۔
اسے حال ہی میں ایک امریکی سائنسی جریدے میں شائع کیا گیا۔
تحقیق میں بتایا گیا ہے کہ خواتین خاص طورپر صفائی کرنے والی مصنوعات کے استعمال سے متاثر ہوتی ہیں۔ اس لیے اس تحقیق میں زور دیا گیا ہے کہ صفائی کے لیے استعمال ہونے والی مصنوعات کو زیادہ عرصے تک زیراستعمال نہ رکھیں بلکہ انہیں تبدیل کرتے رہیں۔
تحقیق میں بتایا گیا ہے کہ جو خواتین گھروں میں صفائی کی مصنوعات کو مسلسل 10 سے20 سال کے لیے استعمال کرتی ہیں۔ ان کے پھیپھڑوں کو اتنا ہی نقصان پہنچتا ہے جتنا کہ یومیہ بیس سیگریٹ پینے کے مترادف ہے۔
تحقیق کی تیاری کے دوران 6200 خواتین کے نفسیاتی، اعصابی، نظام تنفس اور جسم کے اندرونی ڈھانچے کا معائنہ کیا گیا۔ تحقیق کے مطابق منظم انداز میں صفائی کے لیےپلاسٹک کے برتن اور دیگر آلات استعمال کرنے والی 85 فی صد خواتین کو پھیپھڑوں کی شکایت پائی گئی۔
