فلسطین کے علاقے غزہ کی پٹی کی سرحد کے قریب ایک بم دھماکے کے نتیجے میں کم سے کم چار اسرائیلی فوجی زخمی ہوگئے۔ یہ واقعہ ہفتے کے روز غزہ اور سنہ انیس سو اڑتالیس کےدوران قبضے میں لے گئےفلسطینی علاقوں کے درمیان لگائی گئی باڑ کے قریب پیش آیا۔
ادھر دوسری جانب سرحدی باڑ کے قریب دھماکے کے بعد اسرائیلی فوج نے غزہ کے اندر بھاری توپ خانے سے گولہ باری کی ہے جس میں کم سے کم دو فلسطینی زخمی ہوگئے۔
فلسطینی وزارت صحت کے ترجمان ڈاکٹر اشرف القدرہ نے بتایا کہ اسرائیلی فوج کی گولہ باری اور بم باری میں زخمی ہونے والے دو افراد کویوسف النجار اسپتال میں منتقل کیا گیا ہے۔
قبل ازیں اسرائیلی فوج نے جنوبی غزہ میں الصوفہ کے علاقوں الشوکہ اور الفخاری میں اسرائیلی فوج نے توپ خانے سے گولہ باری کی
مرکزاطلاعات فلسطین کے نامہ نگار کے مطابق غزہ کی سرحد کے قریب بم دھماکے میں چار اسرائیلی فوجیوں کے زخمی ہونے کے بعد قابض فوج نے غزہ کے اندر توپ خانے سے گولہ باری کی ہے۔
اسرائیلی فوج نے سرحد پر دھماکے میں زخمی ہونے والے فوجیوں کی خبر کی تفصیلات روک دی ہیں۔ بعد ازاں اطلاع ملی کہ سرحد پردھماکے میں زخمی فوجیوں کی تعداد چار ہے، ان میں سے تین شدید زخمی ہیں جب کہ ایک کو معمولی زخمی آئے ہیں۔
ذرائع کا کہنا ہے کہ بم دھماکے سے اسرائیلی فوج کے ٹینک کونشانہ بنانے کی کوشش کی گئی تھی۔ واقعے کے بعد اسرائیلی فوج نے غزہ کے اندر مختلف اہداف پر تو پ خانے سے گولہ باری کی۔
ادھر اسرائیلی فوج نے ایک بیان میں کہا ہے کہ ٹینکوں کی مدد سے غزہ کے اندر فلسطینی مزاحمت کاروں کے مراکز پر گولہ باری کی گئی ہے۔
ادھر فلسطینی سیکیورٹی ذرائع کا کہنا ہے کہ دھماکہ مشرقی خان یونس کے مقامپر ہوا ہے تاہم اس میں فلسطینیوں کی طرف سے کسی فوجی کے زخمی ہونے کی تصدیق نہیں کی۔
