خلیجی ریاست کویت میں طلباء تنظٰیموں اور سماجی بہبود کے لیے کام کرنے والے اداروں کی طرف سے اسرائیلی مصنوعات اور صہیونی ریاست سے سفارتی تعلقات کے بائیکاٹ کی مہم شروع کی ہے۔
مرکزاطلاعات فلسطین کے مطابق کل بدھ کے روز کویت کی شاہراؤں پر بڑے بڑے بینرز اور بل بورڈ آویزاں کیے گئے جن میں ’صہیونی ریاست سے سفارتی تعلقات نا منظور‘ کے نعرے درج تھے۔
کویتی طلباء نے صہیونی ریاست کے بائیکاٹ کے طریقوں کو مختلف اشکالات سے نمایاں کرنے کی منفرد کوشش کی گئی ہے۔
اسرائیل سے تعلقات کے خلاف اور صہیونی مصنوعات کے بائیکاٹ کی آگاہی مہم کے دوران عرب ممالک سے مطالبہ کیا گیا ہے کہ وہ سرکاری سطح پر بھی صہیونی ریاست کے تعلیمی، ثقافتی، سیاسی، تجارتی اور سیاحتی شعبوں سمیت دیگر شعبوں باقاعدہ بائیکاٹ کی مہمات چلائیں۔کویتی طلباء کا کہنا ہے کہ صہیونی ریاست کو قابض ملک کےبجائے ایک معمول کےملک کے طورپر ڈیل کرنا بھی اس کے ساتھ تعلقات استوار کرنے کے مترادف ہے۔
