اسرائیلی فوج نے ایک بیان میں بتایا ہے کہ مقبوضہ مغربی کنارے کے شہر اریحا میں ایک فلسطینی نے اپنی گاڑی اسرائیلی فوجی پرچڑھا دی جس کے نتیجے میں فوجی اہلکار زخمی ہوگیا۔
مرکزاطلاعات فلسطین کے مطابق جمعہ کے روز اریحا میں الکرامہ گذرگاہ کے قریب ایک فلسطینی نے گاڑی کی ٹکر سے یہودی فوجی کو کچل ڈالا جس کے نتیجے میں یہودی فوجی زخمی ہوگیا۔ اسرائیلی فوج نے گاڑی کے فلسطینی ڈرائیور کو حراست میں لے لیا۔
عبرانی نیب ویب پورٹل ’وللا‘ کے مطابق فی الحال یہ معلوم نہیں ہوسکا کہ آیا فلسطینی نے اسرائیلی فوجی پر گاڑی کیوں چڑھائی۔
فلسطینی نوجوان نے یہودی فوجی کو کچلنے کےبعد فرار کی کوشش کی تاہم قابض فوج نے اس کا تعاقب کرنے کے بعد اللنبی پل کے قریب سے حراست میں لے لیا۔
