فلسطین کے علاقے غزہ کی پٹی میں اتوار کو علی الصباح ایک گھر میں کوئلےکی گیس بھرنے سے دو معمر میاں بیوی دم گھٹنے سے جاں بحق ہوگئے۔
غزہ کی پٹی میں پولیس کے ترجمان ایمن البطنیجی نے بتایا کہ غزہ میں 90 سالہ محمد حجازی ابو القمصان اور اس کی اہلیہ 88 سالہ فاطمہ محمد ابو قمصان دم گھٹنے سے فوت ہوگئے۔
خیال رہے کہ فلسطین کے علاقے غزہ کی پٹی پر اسرائیل کی طرف سے مسلط کردی معاشی پابندیوں اور بجلی کی بندش سے وہاں کی شہری آبادی کو سنگین مسائل کا سامنا ہے۔ گیارہ سال سے مسلط کی گئی اسرائیلی پابندیوں کے باعث فلسطینی شہری گھروں میں کوئلے جلانے پر مجبور ہیں۔
