قابض صہیونی ریاست کے وزیر دفاع آوی گیڈور لائبرمین نے سول ایڈ منسٹریشن کے زیرانتظام سپریم پلاننگ کمیٹی کو احکامات جاری کیے ہیں کہ وہ آئندہ ہفتے ہونے والےاجلاس میں غرب اردن میں وسیع پیمانے پر نئی تعمیرات کی منظوری دے۔
اسرائیل سے عبرانی میں نشریات پیش کرنے والے ٹی وی چینل سات کے مطابق آوی گیڈور کی مراد شمالی غرب اردن کی ’ارئیل‘ یہودی کالونی میں 430 نئے مکانات کے لیے پلاننگ کمیٹی سے منظوری حاصل کرنا ہے۔
خیال رہے کہ غرب اردن کے 42 فی صد علاقوں پر اسرائیل یہودی بستیاں تعمیر کرچکا ہے۔ صہیونی ریاست مزید اراضی کو یہودی آبادکاری کے مقاصد کے لیے استعمال میں لانے اور ہتھیانے کی سازشیں کر رہا ہے۔
