اسلامی تحریک مزاحمت حماس کی پولٹ بیورو کے سربراہ اسماعیل ھنیہ نے اردنی پارلیمنٹ کے سپیکر عاطف الطراونہ سے بات کرتے ہوئے مقبوضہ بیت المقدس اور دیگر مقامات مقدسہ کی حفاظت کے لئے اردن کی جانب سے ادا کئے جانے والے کردار کی تعریف کی۔
اس موقع پر اسماعیل ھنیہ نے فلسطینیوں کو بسانے کے لئے متبادل زمین کے موقف کو بھی مسترد کیا۔
اسماعیل ھنیہ کے دفتر کی طرف سے جاری کردہ بیان میں بتایا گیا کہ حماس رہنما نے طراونہ سے مطالبہ کیا کہ اردن امریکا کے فیصلے کے خلاف کوششوں کو مزید توانا کرنے کے لئے تمام قوتوں کو یکجا کرے۔
اس موقع پر اردن کے سپیکر اسمبلی کا کہنا تھا کہ اردن کے باشندوں کے لئے قضیہ فلسطین اولین ترجیح ہے۔
