مقبوضہ بیت المقدس کی تازہ صورت حال بالخصوص امریکی صدر ڈونلڈ ٹرمپ کی طرف سے بیت المقدس کو اسرائیل کا دارالحکومت تسلیم کیے جانے کی پیش رفت پر غور کے لیے ترکی اور روس کے صدور سوموار کو اہم ملاقات کریں گے۔
مرکزاطلاعات فلسطین کے مطابق سوموار کو روسی صدر ولادی میرپوتین ترکی کا دورہ کریں گے جہاں وہ اپنے ترک ہم منصب طیب ایردوآن سے بھی ملاقات کریں گے۔ اس ملاقات میں شام کی صور حال کے ساتھ ساتھ بیت المقدس کے حوالے سے امریکی صدرڈونلڈ ٹرمپ کے فیصلے اور اس کے رد عمل پر غور کیا جائے گا۔
ترک ایوان صدر کی طرف سے جاری کردہ ایک بیان میں کہا گیا ہے کہ روسی صدر ولادی میرپوتین سوموار کو سرکاری دعوت پر انقرہ پہنچ رہے ہیں۔
ادھر ماسکو میں روسی حکومت کی طرف سے پریس کو جاری بیان میں کہا گیا ہے کہ صدر پوتین پیر کے روز ترکی کے سرکاری دورے پرجائیں گے جہاں وہ خصوصی طور پر ترک صدر سے بیت المقدس کے معاملے پر بات کریں گے۔
قبل ازیں ٹیلیفون پر بات چیت کرتے ہوئے دونوں رہ نما نے امریکی صدر ڈونلڈ ٹرمپ کے القدس کے بارے میں فیصلے کو خطے میں امن مساعی کی تباہی کے مترادف قرار دیا تھا۔
