اسرائیل کے عبرانی زبان میں نشریات پیش کرنےوالے ریڈیو نے اپنی رپورٹ میں دعویٰ کیا ہے کہ امریکا کی طرف سے مقبوضہ بیت المقدس کو اسرائیل کا دارالحکومت قرار دینے کے بعد بعض دیگر ممالک بھی اس میدان کود پڑے ہیں۔
ریڈیو ’ریشیت بیٹ‘ کی رپورٹ کے مطابق فلپائن کے صدر رویڈو ریگو دوتیرتے نے اسرائیلی حکومت کو ایک برقی پیغام بھیجا ہے جس میں امریکی صدر کے القدس کے بارے میں فیصلے کی تائید کے ساتھ کہا گیا ہے کہ فلپائن بھی تل ابیب سے اپنا سفارت خانہ بیت المقدس منتقل کرنے پر غور کررہا ہے۔
خیال رہے کہ بدھ کے روز امریکی صدرڈونلڈ ٹرمپ نے ایک تقریر میں مقبوضہ بیت المقدس کو صہیونی ریاست کا دارالحکومت قرار دے کرپوری دنیا میں اشتعال پھیلا دیا تھا۔
ریڈیو رپورٹ میں کہا گیا ہے کہ مشرقی یورپ کا ایک ملک بھی اپنا سفارت خانہ القدس منتقل کرنے کے لیےتیا ہے تاہم اس ملک کا نام ظاہر نہیں کیا گیا۔
