فلسطین کے دریائے اردن کے مغربی کنارے کے جنوبی شہر قلقیلیہ میں نقاب پوش فلسطینی نوجوانوں نے یہودی آباد کاروں پر سنگ باری کی اور ان پر پٹرول بموں سے حملہ کیا جس کے نتیجے میں دویہودی آباد کار زخمی ہوگئے۔
مقامی ذرائع نے بتایا کہ فلسطینی شہریوں کی طرف سے اسرائیلی فوج اور یہودی آباد کاروں کی گاڑیوں پر سنگ باری کی۔ قابض فوج نے عزون قصبے میں سنگ باری کرنے والے فلسطینیوں کے خلاف سرچ آپریشن کے لیے پورے علاقے کو سیل کردیا۔
تلاشی کی آڑ میں اسرائیلی فوج نے جیوس پل اور عزون قصبے کو مکمل طور پر بند کردیا جس کے نتیجے میں فلسطینی شہریوں کو آمد ورفت میں کئی گھنٹے تک دشواری کا سامنا کرنا پڑا ہے۔
