اسرائیلی حکومت نے فلسطین کے علاقے مقبوضہ مغربی کنارے کے وسطی شہر رام اللہ میں ایک یہودی آباد کاری تک سڑک کی تعمیر کے لیے فلسطینیوں کی نجی اراضی پر غاصبانہ قبضے کی منظوردی ہے۔
عبرانی زبان میں نشریات پیش کرنے والے ٹی وی چینل 7 کی رپورٹ کے مطابق حکومتی مشیر قانون افیحائی منڈلبلیٹ نے فلسطینیوں کی نجی اراضی یہودی کالونی کی سڑک کے لیے غصب کرنے کی منظور دی ہے۔
عبرانی ٹی کے مطابق یہ سڑک ’ھریشا‘ یہودی کالونی کے آباد کاروں کے لیے تعمیر کی جا رہی ہے۔ اس سڑک کی زد میں آنے والی زمین فلسطینوں کی زرعی اراضی پر مشتمل ہے۔
ٹی وی رپورٹ کے مطابق مذکورہ سڑک کی تعمیر کے لیے اسرائیلی حکومت کا تازہ فیصلہ سابقہ فیصلے کے برعکس ہے۔
دوسری جانب اسرائیلی خاتون وزیر انصاف ایلیت شاکیت نے فیصلے کا خیر مقدم کیا ہے اور کہا ہے کہ وہ سابقہ قانونی فیصلے میں تبدیلی کو خوش آئند قرار دیتے ہوئے یہودی کالونی کی سڑک کے لیے فلسطینیوں کی نجی اراضی غصب کرنے کی حامی ہیں۔
