صہیونی فوج نے زیرحراست سرکردہ فلسطینی سماجی کارکن اور اہالیان اسیران کمیٹی کے سربراہ کوگذشتہ روز رہا کردیا۔
مرکزاطلاعات فلسطین کے مطابق فلسطینی اسیران کے اہل خانہ پر مشتمل کمیٹی کے چیئرمین امجد ابو عصب کو گذشتہ روز پانچ ہزار شیکل ضمانت کے عوض رہا کیا گیا۔
خیال رہے کہ امجد ابو عصب کو اسرائیلی انٹیلی جنس حکام نے کئی روز قبل سیکیورٹی مرکز میں طلب کرنے کے بعد حراست میں لے لیا تھا۔ امجد ابو عصب فلسطینی قیدیوں کے اہل خانہ پر مشتمل مقامی کمیٹی کے سربراہ ہیں۔
