گذشتہ روز فلسطینی علاقے غزہ کی پٹی سے تعلق رکھنے والے 20 فلسطینی شہریوں نے مقبوضہ مغربی کنارے میں قائم اسرائیل کی ’رامون‘ جیل میں قید اپنے پیاروں سے ملاقات کی۔
مرکزاطلاعات فلسطین کے مطابق فلسطینی اسیران اور ان کے اقارب کے درمیان ملاقات کا اہتمام انسانی حقوق کے لیے کام کرنے والے ادارے’ریڈ کراس‘ کی جانب سے کیا گیا تھا۔
ریڈ کراس کی ترجمان امانی الناعوق نے مرکزاطلاعات فلسطین سے بات کرتے ہوئے کہا کہ غزہ کی پٹی کے 20 شہریوں جن میں 13 بچے شامل تھے نے اسرائیل کی ریمون جیل میں قید 13 اسیران سے ملاقات کی۔ ملاقات کے لیے غزہ کے شہری سرحدی گذرگاہ بیت حانون سے بسوں کے ذریعے ریمون پہنچے تھے۔
خیال رہے کہ اسرائیلی جیلوں میں چھ ہزار سے زاید فلسطینی بدترین حالات میں پابند سلاسل ہیں۔ ان میں غزہ کی پٹی کے 350 شہری بھی شامل ہیں۔ جیلوں میں تشدد اور بنیادی حقوق کی عدم فراہمی کے نتیجے میں 206 فلسطینی جام شہادت نوش کرچکے ہیں۔
