اسرائیل کی ایک نام نہاد مجسٹریٹ عدالت نے مقبوضہ بیت المقدس کے ایک فلسطینی نوجوان کو اسرائیلی فوجیوں پر پتھراؤ کے الزام میں چھ ماہ قید کی سزا کا حکم دیا ہے۔
مرکزاطلاعات فلسطین کے مطابق ایک مقامی سماجی کارکن عبداللہ ابو اسنینہ نے بتایا کہ گذشتہ روز اسرائیلی مجسٹریٹ عدالت نے ان کے بھائی 19 سالہ صہیب ابو اسنینہ کو چھ ماہ قید کی سزا کاحکم دیا۔ اسے 21 جولائی کو وادی الجوز سے حراست میں لیا گیا تھا۔
ابو اسنینہ نے بتایا کہ صہیونی عدالت نے اس کے بھائی کے کیس کی کئی بار سماعت ملتوی کی۔ اس پر یہودی فوجیوں پر سنگ باری کا الزام عاید کیا گیا تھا۔ گذشتہ روز اسی الزام میں اسے چھ ماہ قید اور 2500 شیکل جرمانہ کی سزا سنائی گئی۔
