مقبوضہ بیت المقدس میں اسلامی کمیشن کے سربراہ شیخ عکرمہ صبری کا کہنا ہے کہ بیت المقدس اور دیگر مقبوضہ علاقہ جات میں موجود کشیدگی کی وجہ اسرائیل کی جانب سے مسجد اقصیٰ کو نشانہ بنایا جانا ہے۔
شیخ عکرمہ صبری نے یہ بیان دوسرے انتفاضہ کے 17 سال مکمل ہونے کے موقع پر منعقد کی جانے والی ایک تقریب میں دیا۔
شیخ صبری نے سنہ 2000 میں اسرائیلی وزیر اعظم ارئیل شیرون کی جانب سے مسجد اقصیٰ کی بے حرمتی کو موجودہ کشیدگی کا ایک محرک ٹھہرایا۔
معروف رہنما نے فلسطینی عوام پر زور دیا کہ وہ مسجد اقصیٰ کے دفاع کے لئے اٹھ کھڑے ہوں۔ ان کا مزید کہنا تھا کہ جولائی کے مہینے میں عوامی تحریک سے ثابت ہوا تھا کہ فلسطینی عوام ہر لمحے مسجد اقصیٰ کے دفاع کے لئے تیار ہے۔
