اسلامی تحریک مزحمت ’حماس‘ کے اعلیٰ اختیاراتی وفد نے اپنا روس کا دورہ کامیابی کے ساتھ مکمل کرلیا ہے جس کے بعد حماس کا وفد روس سے واپس روانہ ہوگیا۔
مرکزاطلاعات فلسطین کے مطابق حماس کےسیاسی شعبے کے نائب صدر ڈاکٹرمُوسیٰ ابو مرزوق کی قیادت میں جماعت کا اعلیٰ اختیاراتی وفد 18 ستمبر کو روس کی دعوت پر ماسکو پہنچا ھتا۔
حماس کے وفد نے اپنے دورہ روس کے دوران روس کے مشرق وسطیٰ کے لیے مندوب میخائل بوگدانوف، نائب وزیرخارجہ الیکذنڈر نیکلایوفوٹچروڈاکوف اور مسز سٹیبین یلینا سمیت دیگر عہدیداروں سے ملاقات کی۔
حماس کےوفد اور روسی عہدیداروں کے درمیان تین گھنٹے طویل بات چیت جاری رہی۔ بات چیت میں حال ہی میں قاہرہ میں حماس کی طرف سے قومی ماہمت کے اعلان، انتظامی کمیٹی کو تحلیل کرنے اور دیگر امور پر تبادلہ خیال کای گیا۔
فلسطینی وفد نے اپنے دورہ روس کے دوران حکومتی عہدیداروں اور دیگر رہ نماؤں سے ملاقات میں فلسطین کی موجودہ صورت حال بالخصوص ناکہ بندی کے شکار علاقے غزہ کی پٹی کے عوام کو درپیش مشکلات، غرب اردن میں اسرائیلی فوج کی یہودی آباد کاری اور مسلمانوں کے مقدس مقامات بالخصوص مسجد اقصیٰ کی آئے روز ہونے والی بے حرمتی پر بریفنگ دی۔
ذرائع کے مطابق روسی حکام نے فلسطینی دھڑوں میں مصالحتی کوششوں کو سراہا اور کہا کہ ماسکو بھی فلسطینیوں کے درمیان مفاہمت کے عمل کی حمایت کرتا ہے۔
