فلسطین کے مقبوضہ مغربی کنارے کے شمالی شہر نابلس میں گذشتہ روز تین مقامات پر سیکڑوں یہودی شرپسندوں نے دھاوے بولے اور تلمودی تعلیمات کے مطابق مذہبی رسومات ادا کیں۔
مرکزاطلاعات فلسطین کے مطابق اسرائیلی فوج کی موجودگی میں جنوب مشرقی نابلس میں سیکڑوں صہیونی داخل ہوئے۔
عینی شاہدین نے بتایا کہ یہودی آباد کاروں کے ایک گروپ نے نصف شب عورتا قصبے میں دھاوا بولا۔ اس موقع پر اسرائیلی فوج اور پولیس کی بھاری نفری موجود تھی۔
عینی شاہدین کا کہنا ہے کہ یہودی آباد کاروں کی بھاری تعداد نے عورتا قصبے کے تین مقامات پردھاوے بولے اور مذہبی رسومات کی ادائی کی آڑ میں مقدس مقامات کی بے حرمتی کی۔
