اسلامی تحریک مزاحمت ’حماس‘ نے اگلے ماہ اکتوبر کے آخر میں مغربی افریقا کے ایک درجن ملکوں اور اسرائیل پر مشتمل سربراہ کانفرنس کے ملتوی کیے جانے کا خیر مقدم کیا ہے۔ حماس کے سیاسی شعبے کے سینیر رکن عزت الرشق کا کہنا ہے کہ ’توگو‘ میں ہونے والی صہیونی ، افریقی چوٹی کانفرنس کا التواء فلسطینیوں کی حمایت کرنے والوں کی فتح ہے۔
مرکزاطلاعات فلسطین کے مطابق حماس کے سیاسی شعبے کے رکن عزت الرشق نے اپنے ایک بیان میں کہا کہ صہیونی ریاست نے فلسطین میں منظم ظلم، نسل پرستی، فاشم اور اپارتھائیڈ کی بدترین مثالیں قائم کی ہیں۔ انسانیت کے خلاف سنگین جرائم میں ملوث ملک کے ساتھ دوستانہ مراسم کا قیام فلسطینی قوم کی مشکلات میں اور بھی اضافہ کرے گا۔
تأجيل (أو إلغاء) مؤتمر #توغو الذي كان يوصف بأنه الأضخم على صعيد العلاقات الإسرائيلية الأفريقية هو انتصار لكل المدافعين عن القيم الإنسانية.
عزت الرشق- فلسطين (@izzat_risheq) September 11 2017
انہوں نے توگو سمیت مغربی افریقی ممالک پر زور دیا کہ وہ صہیونی ریاست کے ساتھ تجارتی اور اقتصادی تعلقات استوار کرنے سے انکار کردیں۔
خیال رہے کہ اسرائیل اور مغربی افریقی ممالک پر مشتمل چوٹی کانفرنس کے لیے 23سے 27 اکتوبر کی تاریخ مقرر کی گئی تاہم اب میزبان افریقی ملک ’توگو‘ کی درخواست پر یہ کانفرنس غیرمعینہ مدت تک ملتوی کردی گئی ہے۔
إلغاء المؤتمر انتصار للنضالات الأفريقية المتراكمة ضد كل نظم الظلم والعنصرية والفاشية والأبارتهايد التي تمثلها دولة الاحتلال الصهيوني.
عزت الرشق- فلسطين (@izzat_risheq) September 11 2017
