اسرائیلی کابینہ نے اپنے حالیہ اجلاس میں امریکا سے جدید ترین اور انتہائی خطرناک سمجھے جانے والے17 ’ایف 35’ جنگی طیارے خرید کرنے کی منظوری دی ہے۔
اسرائیل کے عبرانی اخبار ’یدیعوت احرونوت‘ کی رپورٹ کے مطابق ’گھوسٹ‘ یا ’بد روح‘ کے خوفناک القابات سے مشہور امریکی جنگی طیاروں کی خریداری کا فیصلہ کرلیا گیا ہے۔ ’ایف 35‘ جنگی طیارے اپنی ہولناک اور تباہ کن حملوں کے حوالےسے مشہور ہیں۔ ان طیاروں کو اسرائیلی فوج کے آلہ قتل میں شامل کرنے سے فلسطینیوں کی زندگیوں کو نئے خطرات درپیش ہیں۔
عبرانی اخبار کے مطابق اسرائیل ’ایف 35‘ جدید ترین جنگی طیاروں کی پانچویں نسل ’5th Gneration‘ خرید کرنا چاہات ہے اور ایک جنگی جہاز کے بدلے میں امریکا کو 10 کروڑ ڈالر کی خطیر رقم ادا کرے گا۔
عبرانی اخبار کے مطابق اسرائیل سنہ 2021ء تک مجموعی طور پر 50 ایف 35 طیارے امریکا سے خرید کرے گا۔
خیال رہے کہ اسرائیل کے پاس 5 ’ایف 35‘ طیارے پہلے سے موجود ہیں۔ یہ جنگی طیارے انتیائی مشکل جنگی مہمات کے لیے استعمال کیے جاتے ہیں۔ اس وقت یہ طیارے امریکی فوجی بیڑے میں شامل ہیں۔
