فلسطین کے مقبوضہ بیت المقدس میں قائم ایک تاریخ اسلامی قبرستان کا وجود صہیونی غنڈہ گردی اور یہودیانے کی سازشوں کے باعث خطرے سے دوچار ہے۔ اطلاعات کے مطابق قابض صہیونی انتظامیہ نے گذشتہ روز القدس شہر کی تاریخی دیواروں سے متصل صدیوں پرانے ’یوسفیہ‘ قبرستان میں بلڈوزورں کی مدد سے کئی قبریں اکھاڑی پھینکیں۔
بیت المقدس میں مساجد اور قبرستان کی دیکھ بحال کی ذمہ دار فلسطینی کمیٹی کے چیئرمین مصطفیٰ ابو زھرۃ نے بتایا کہ اسرائیلی بلدیہ کی طرف سے بلڈوزر کی مدد یوسفیہ قبرستان کی حفاظتی دیوار مسمار کرنے کے بعد اس کی مغربی سمت میں کئی پرانی قبریں بھی اکھاڑ پھینکیں۔
انہوں نے بتایا کی یوسفیہ قبرستان مشرقی بیت المقدس کے شمالی کونے میں باب الاسباط کے قریب واقع ہے۔ یہ ایک تاریخی قبرستان ہے جس میں 300 سے 400 شہداء کی قبریں بھی موجود ہیں۔
خیال رہے کہ یوسفیہ قبرستان بیت المقدس میں مسلمانوں کا پہلا قبرستان نہیں جو صہیونی ریاست کی غنڈہ گردی کا نشانہ بنا ہے۔ اس سے قبل بیت المقدس کا تاریخی قبرستان مامن اللہ اور کئی دوسرے قبرستان بھی اسی طرح کی صہیونی جارحیت کی بھینٹ چڑھ چکے ہیں۔
