فلسطین کے مقبوضہ بیت المقدس شہر میں ایک یہودی شرپسند مسجد اقصیٰ کے قریب سلوان کے مقام پر چار فلسطینی بچوں کو اپنی گاڑی تلے روند کر فرار ہوگیا۔ گاڑی کی ٹکر سے چاروں بچے شدید زخمی ہوگئے جنہیں علاج کے لیے اسپتال لے جایا گیا ہے۔
مقامی فلسطینی ذرائع کا کہنا ہے کہ یہودی آباد کار نے سلوان کے مقام پر ایک سڑک پر گاڑی چلاتے ہوئے مختلف واقعات میں چار بچوں کو کچلنے کر شہید کرنے کی کوشش کی۔
عینی شاہدین کا کہنا ہے یہودی آباد کار دانستہ طور پرگاڑی فلسطینی بچوں پر چڑھاتا رہا ہے، جس کے نتیجے میں چار بچے زخمی ہوئے۔ یہودی شرپسند فلسطینی بچوں کو کچل کر خود گاڑی سمیت فرار ہوگیا۔
زخمی ہونے والے چاروں بچے اسپتال داخل کردیے گئے ہیں۔
