جنین کے جبہ قصبے سے تعلق رکھنے والے یتیموں اور بیوائوں پر مشتمل آٹھ فلسطینی خاندانوں نے فلسطینی اتھارٹی سے مطالبہ کیا کہ وہ ان کے ماہانہ الائونس کو فوری طور پر بحال کرے۔
فلسطینی اتھارٹی کے سربراہ محمود عباس کو بھیجے جانے والے ایک خط میں خاندانوں نے محمود عباس کو بتایا کہ وہ 12 اگست 2012ء کو طولکرم روڈ پر حادثے میں جاں بحق ہونے والے فلسطینیوں کے خاندان ہیں۔
انہوں نے محمود عباس سے اپیل کی کہ وہ ان کی مشکلات ختم کرتے ہوئے ان کے ماہانہ الائونس کو جاری کرنے کا اعلان کردیں۔
2012ء میں فلسطینی اتھارٹی کی جانب سے ایک خصوصی حکم کے تحت جاں بحق ہونے والے آٹھ فلسطینیوں کے خاندانوں کو ماہوار الائونس دینے کا اعلان کیا تھا۔
