اسلامی تحریک مزاحمت حماس کے روحی مشتھی کی سربراہی میں مصر جانے والا وفد اپنا ایک ہفتے کا دورہ قاہرہ ختم کرکے رفح کراسنگ سے واپس غزہ پہنچ گیا ہے۔
اس وفد میں غزہ حکومت کی انتظامی کمیٹی کی ایک ٹیکنیکل ٹیم کے ارکان پر مشتمل تھی، جس میں وزارت داخلہ، صحت، معیشت اور خزانہ کے نمائندے شامل تھے۔ اس وفد کا مقصد مصری حکام کے ساتھ ہونے والے معاہدوں کی تکمیل کے لئے راہ عمل پر بات چیت کرنا تھی۔
میڈیا ذرائع کے مطابق اس دورے کے دوران سرحدی سیکیورٹی، رفح کراسنگ، بجلی اور توانائی کے ذرائع کی ترسیل سمیت کئی اہم موضوعات پر بات چیت کی گئی تھی۔
