فلسطین کے محاصرہ زدہ علاقے غزہ کی پٹی میں اسرائیل کی طرف سے غزہ کی گیارہ سال سے جاری ناکہ بندی کے خلاف مقامی شہری مسلسل سراپا احتجاج ہیں۔
گذشتہ روزغزہ کے مشرقی علاقے البریج کیمپ میں سیکڑوں فلسطینیوں نے غزہ کی ناکہ بندی کے خلاف احتجاجی مظاہرہ کیا۔
مرکزاطلاعات فلسطین کے مطابق مشرقی البریج میں تل ام الحسینیہ کےمقام پر سیکڑوں فلسطینیوں نے غزہ کی ناکہ بندی کے خلاف ریلی نکالی۔ مظاہرین نے ہاتھوں میں فلسطینی پرچم اٹھا رکھے تھے۔ انہوں نے بہ طور احتجاج ٹائر جلا کر احتجاج کیا۔
فلسطینی شہریوں نے احتجاجی مظاہرے کےبعد صہیونی چیک پوسٹ کی طرف بڑھنے کی کوشش کی تو قابض فوج نے ان پر آنسوگیس کی شیلنگ کی اور ربڑ کی گولیوں کا استعمال کیا۔
ایک مقامی فلسطینی عہدیدار محمود ابو سویرح نے مرکزاطلاعات فلسطین سےبات کرتے ہوئے کہا کہ احتجاجی مظاہرہ تمام فلسطینی تنظیموں کی طرف سے بلایا گیا تھا۔
خیال رہےکہ اسرائیل نے فلسطین کے علاقے غزہ کی پٹی کی ناکہ بندی کررکھی ہےجس کے نتیجے میں غزہ کی پٹی میں پانی اور بجلی کابدترین بحران جاری ہے۔
