اسرائیلی اخبارات میں شائع ہونے والی رپورٹس میں بتایا گیا ہے کہ وزیراعظم بنجمن نیتن یاھو نے مقبوضہ بیت المقدس میں قائم یہودی کالونیوں میں مزید سات ہزار مکانات کی تعمیر کے لیے تعمیراتی کمپنیوں کو گرین سگنل دے دیا ہے۔
اسرائیلی اخبار ’اسرائیل ھیوم‘ می رپورٹ کے مطابق وزیراعظم نے بیت المقدس کی یہودی کالونیوں میں یہودیوں کو بسانے کے لیے ہزاروں نئے مکانات کی تعمیر کی اجازت دے دی ہے۔
رپورٹ کے طمابق ’گیلو‘ کالونی میں 3500۔ ’حارحوما‘ میں 2200، ’بسغات زئیو‘ میں 900، ’رمات شلومو‘ میں 500 اور ’راموت‘ کالونی میں 100 مکانات کی تعمیر کی منظوری دی گئی ہے۔
اسرائیلی ریڈیو کیرپورٹ میں بتایا گیا ہے کہ وزیراعظم ملک کے دائیں بازو کے بنیاد پرست حلقوں نے بیت المقدس میں مکانات کی تعمیر پر عاید پابندی ختم کرانے میں کامیابی حاصل کرلی ہے۔ رپورٹ میں کہا گیا ہے کہ وزیراعظم نیتن یاھو نے بیت المقدس میں 6 ہزار مکانات کی تعمیر پر عارضی طور پر پابندی عاید کی تھی جس کے رد عمل میں اسرائیلی انتہاپسندوں اور مذہبی حلقوں نے شدید احتجاج کیا تھا۔
