کرہ ارض پر سورج کے طلوع وغروب کے غیرمعمولی فرق کے نتیجے میں اہل اسلام کے ہاں روزوں کے اوقات اور سحر وافطار کے اوقات میں بھی فرق پڑتا ہے۔ دنیا میں بعض ممالک ایسے بھی ہیں جہاں پر دن بہت لمبا اور رات انتہائی مختصر ہے جب کہ اس کے مقابلے میں ایک خطہ ایسا ہے جس میں رات طویل اور دن مختصر ہے۔
برطانوی اخبار’انڈی پنڈنٹ‘ کی رپورٹ کے مطابق کرہ ارض کے شمالی حصے میں واقع ممالک میں دن بہت طویل ہے۔ قطب شمالی کے ملکوں میں دن قریبا چوبیس گھنٹے کا ہے۔ قطب شمالی کے ملک فن لینڈ میں دن 23 گھنٹے پانچ منٹ اور رات صرف 55 منٹ پر مشتمل ہے۔ اصولی طورپر روزے کا وقت بھی تئیس گھنٹے پانچ منٹ ہونا چاہیے۔
اسکنڈنیوین ممالک بالخصوص ناروے میں روزے کا دورانیہ 19 گھنٹے 48 منٹ اور آئیس لینڈ میں 21 گھنٹے کا روزہ ہوگا۔
محمد نامی ایک شہری نے بتایا کہ بنگلہ دیش میں اس کے اقارب نے بتایا کہ وہ بیس گھنٹے کا روزہ رکھتے ہیں۔
طویل دن اور روزے کے اوقات کے اعتبار سے مسلم ممالک میں ترکی کا نام بھی شامل ہے۔
