قابض اسرائیلی حکام نے بیت المقدس کے شعفات مہاجر کیمپ کے داخلی دروازے کے قریب لگائے جانے والے ناکے اور آس پاس کے علاقے میں فوجیوں کی موجودگی میں اضافہ کردیا ہے تاکہ سرحدی پولیس اسٹیشن کے قیام کی تقریب کا پر امن اہتمام کیا جا سکے۔
اسرائیلی پولیس کی ایک ترجمان کا کہنا تھا کہ اس تقریب میں اسرائیل کی داخلہ سیکیورٹی کے وزیر گیلاد ایردان اور دیگر سینئیر حکام شرکت کریں گے۔
شعفات مہاجر کیمپ اور اس کے مضافات میں فوجیوں کی بڑی تعداد میں تعیناتی کی وجہ سے علاقے میں رہنے والے شہریوں کی آمد ورفت میں شدید خلل پڑ رہا ہے۔
شعفات مہاجر کیمپ کے داخلی دروازے پر لگایا گیا یہ فوجی ناکہ، مغربی کنارے میں فلسطینی شہریوں اور قابض اسرائیلیوں کے درمیان سب سے زیادہ تصادم کی جگہ کے طور پر مشہور ہے۔
