اسرائیل کی ’مجد‘ جیل میں قید مزید 100 فلسطینی اسیران بھوک ہڑتال کرنے والے اسیران میں شامل ہوگئے ہیں جس کے بعد بھوک ہڑتال کرنے والے فلسطینی قیدیوں کی تعداد 1600 سے تجاوز کرگئی ہے۔
مرکزاطلاعات فلسطین کے مطابق فلسطینی محکمہ امور اسیران اور کلب برائے اسیران کی قائم کردہ مشترکہ فالو اپ کمیٹی کے چیئرمین عبدالفتاح الدولہ نے کہا کہ گذشتہ روز ‘مجد‘ جیل کے مزید 100 اسیران نے اجتماعی بھوک ہڑتال کا اعلان کیا ہے۔ جس کے بعد بھوک ہڑتال کرنے والے فلسطینی قیدیوں کی تعداد 1600 سے تجاوز کرگئی ہے۔
عبدالفتاح الدولہ نے کہا کہ بوھک ہڑتال کرنے والے فلسطینی اسیران کی ہڑتال کا آج 14 واں روز ہے۔ قیدیوں کے حوالے سے تشویش بھی لاحق ہے کیونکہ صہیونی جیلر اور تفتیش کار قیدیوں کو زدو کرب کرنے اور انہیں قید تنہائی کی سزائیں دینے کی کوشش کررہے ہیں۔
انہوں نے کہا کہ صہیونی انتظامیہ کی طرف سے بھوک ہڑتالی اسیران کے وکلاء کو ان سے ملنے پر بدستور پابندی عاید ہے۔ وہ سردرد اور مفاصل کی تکالیف کا بھی شکار ہو رہے ہیں۔
الدولہ نے بتایا کہ ایالون جیل میں قید چار بھوک ہڑتالی اسیران نے قید تنہائی کے خلاف بہ طور احتجاج گذشتہ چار روز سے پانی پینا بھی تک کررکھا ہے۔
