اسرائیلی جیلوں میں صہیونی انتظامیہ کے مظالم کے خلاف جاری اجتماعی بھوک ہڑتال اوراس پریکجہتی سرگرمیوں کا سلسلہ فلسطین سے باہر دوسرے ملکوں تک پہینچ گیا ہے۔
گذشتہ روز یونان کے صدرمقام ایتھن میں فلسطینی اسیران کے ساتھ اظہار یکجہتی کے لیے ایک تصویری نمائش کا اہتمام کیا گیا۔
اس موقع پرانسانی حقوق کی تنظیموں کی جانب سے احتجاجی مظاہرے کا بھی اہتمام کیا گیا۔
فلسطینی اسیران سے اظہار یکجہتی کرنے والے کارکنان نے مطالبہ کیا کہ فلسطینی قیدیوں کے مطالبات تسلیم کیے جائیں اور ان کی بھوک ہڑتال جلد از جلد پرامن طریقے سے ختم کرنے کی کوششیں کی جائیں۔
