اسرائیلی حکام کی طرف سے یکم اپریل کے بعد اب تک زیرحراست 24 فلسطینیوں کو انتظامی حراست کی سزائیں سنائی گئی ہیں۔
مرکز اطلاعات فلسطین کے مطابق کلب برائے اسیران کے مندوب محمود الحلبی نے بتایا کہ اسیران کو 3 سے 6 ماہ قید کی سزائیں سنائی ہیں۔ انتطامی حراست کی سزا پانے والوں میں کئی سابق فلسطینی اسیران شامل ہیں۔
کلب کے مندوب محمود الحلبی نے بتایا کہ انتظامی حراست کی سزا پانے والوں میں 10 ایسے فلسطینی شامل ہیں جن کی مدت حراست کی تجدید کی گئی ہے جب کہ دیگر فلسطینی شہریوں کو پہلی بار انتظامی حراست میں ڈالا گیا۔
