قابض صہیونی فوج نے فلسطین کے مقبوضہ بیت المقدس سے تعلق رکھنےوالے پانچ فلسطینی شہریوں کے قبلہ اول میں داخلے پر پابندی عاید کی ہے۔
مرکزاطلاعات فلسطین کے مطابق فلسطینی شہریوں کے ایک گروپ پر یہ پابندی یہودی کے مذہبی تہوار ’ایسٹر‘ کی شام عاید کی گئی۔
صہیونی انتظامیہ کی طرف سے جاری کردہ ایک بیان میں کہا گیا ہے کہ پانچ فلسطینی شہریوں جن میں دو فلسطینی محکمہ اوقاف کے ملازم طارق الھشلمون اور حمزہ النمربھی شامل ہیں پر چھ ماہ کے لیے مسجد اقصیٰ میں داخلے پر پابند عاید کی ہے۔
بیت المقدس میں فلسطینی اسیران کے اہل خانہ پرمشتمل کمیٹی کے چیئرمین امجد ابو عصب نے بتایا کہ صہیونی انتظامیہ نے پانچ شہریوں خالد الزیر پر تین ماہ، جمیل عباسی پر چار ماہ اور فلسطینی محکمہ اوقاف کے دوملازمین پر چھ چھ ماہ کے لیے قبلہ اول میں داخلے پر پابندی عاید کی ہے۔
امجد ابوعصب نے فلسطینی شہریوں کے قبلہ اول میں نماز کے لیے آنے پر پابندی کو مذہبی امور میں کھلی مداخلت قرار دیا ہے۔ ان کا کہنا ہے کہ ایک طرف انتہا پسند یہودیوں کو مسجد اقصیٰ میں داخل ہونے اور مقدس مقام کی بے حرمتی کی کھلی اجازت ہے اور دوسری طرف فلسطینی مسلمانوں پرقبلہ اول میں نماز کی ادائی پر بھی پابندیاں عاید کی جاتی ہیں۔
