فلسطین کے مقبوضہ علاقے غرب اردن میں گذشتہ روز ہونے والی فوجی مشقوں میں ایک اسرائیلی خاتون فوجی ہلاک ہوگئی۔
مرکزاطلاعات فلسطین کے مطابق گذشتہ شب لیشون لتسیون نامی فوجی اڈے پر ایک خاتون فوجی اہلکارہ جہاز سے گر کر زخمی ہوئی جسے اسپتال منتقل کیا گیا جہاں وہ زخموں کی تاب نہ لا کر دم توڑ گئیں۔
اسرائیلی فوجی ریڈیو کے مطابق حادثے میں ہلاک ہونے والی اہلکار کی شناخت ’لوتم کوردوفر‘ کے نام سے کی گئی ہے جس کی عمر 18 سال بیان کی جاتی ہے۔
