بھارت کا جنگی جنون اور بڑھ گیا، نریندر مودی نے اسرائیل سے17 ہزار کروڑ کے دفاعی معاہدے کی منظوری دے دی۔
معاہدے کے تحت درمیانی فاصلے تک مار کرنے والے 5 فضائی دفاعی میزائل سسٹم اسرائیل کی مدد سے تیار کیے جائیں گے۔
بھارتی وزیر اعظم نے کابینہ کمیٹی کے اجلاس میں دفاعی معاہدے کی منظوری دی ، معاہدے کے تحت بھارت اور اسرائیل مشترکہ طور پر درمیانی فاصلے تک مار کرنے والے 5 فضائی دفاعی میزائل سسٹم تیار کریں گے۔
اس معاہدے پر17ہزار کروڑ روپے خرچ کیے جائیں گے، میزائل سسٹم فضا میں 50 کلومیٹر سے 70 کلومیٹرتک ہدف کو نشانہ بنا سکتا ہے۔
پانچ دفاعی سسٹم میں 40 فائرنگ یونٹس اور 200 سے زائد میزائل ہوں گے۔
