اسرائیل کے عبرانی ذرائع ابلاغ نے انکشاف کیا ہے کہ متوقع ’دہشت گردی‘ کے حملوں کے پیش نظر سیکیورٹی حکام نے اندرون اور بیرون ملک مسافر برادر ہوائی جہازوں میں جدید دفاعی نظام نصب کرنے کا ایک نیا پروگرام شروع کیا ہے۔
اسرائیلی فوج کی مقرب نیوز ویب سائیٹ ’وللا‘ نے اپنی رپورٹ میں بتایا ہے کہ سیکیورٹی حکام نے مسافر طیاروں کو بم پروف اور میزائل پروف بنانے کا فیصلہ کیا ہے۔
رپورٹ کے مطابق جدید ٹیکنالوجی کے ماہرین اور سیکیورٹی حکام نے مشترکہ طور پر مسافر طیاروں میں میزائل دفاعی شیلڈ نصب کرنے کی تیاریاں شروع کی ہیں۔ جدید دفاعی آلات ہوائی جہاز کےاگلے پروں پر نصب کیے جائیں گے۔ اس کے علاوہ کیبن اور کاک پٹ کے درمیان بلیٹ پروف سسٹم نصب کرنے کی بھی ترکیب تیار کی ہے۔ یہ دفاعی آلات جدید سول مقاصد کے لیے استعمال ہونے والے تمام طیاروں میں نصب کیے جائیں گے تاکہ کسی بھی ’دہشت گردانہ‘ حملے کی روک تھام کی جاسکے۔
