صہیونی حکام نے فلسطین کے مقبوضہ مغربی کنارے کے شہر رام اللہ کے مغربی قصبے بیتونیا مقامی فلسطینی شہریوں کی اراضی فوجی مقاصد کے لیے غصب کرنے کے نوٹس جاری کیے ہیں۔
مرکزاطلاعات فلسطین کے نامہ نگار کے مطابق صہیونی فوج کی جانب سے بیت عورالفوقا اور تحتا کے درمیان فلسطینی شہریوں کی اراضی غصب کرنے کا حکم دیا ہے۔ بیتونیا فلسطینی قصبے کے چیئرمین کا کہنا ہے کہ صہیونی فوجیوں نے فلسطینی آبادی میں نوٹس پھینکے ہیں جن میں کہا گیا ہےکہ بیتونیا اور اس کے اطراف کی دسیوں دونم اراضی فوجی مقاصد کے لیے جلد ہی استعمال میں لائی جائے گی۔ اس لیے مذکورہ اراضی پر موجود املاک کو مسمار کردیا جائے ورنہ فوج خود کارروائی کرکے انہیں مسمارکردے گی۔
مقامی شہریوں نے بتایا کہ صہیونی فوج نے بیتونیا قصبے کی اراضی غصب کرنے کے لیے تیار کردہ نوٹس لوگوں کےگھروں کے قریب اور سڑک پر پھینکے۔
