قومی پیداوار کے اعتبار سے فی کس متوسط آمدنی کے اعتبار سے خلیجی ریاست دنیا بھر میں پہلے نمبر پر ہے حالانہ عالمی منڈی میں تیل اور گیس کی قیمتوں میں کمی نے تیل پیدا کرنے والے ممالک کی معیشت کو غیرمعمولی حد تک متاثر ہوئی ہے۔ تاہم سنہ 2016ء کے دوران فی کس اوسط آمدنی ایک لاکھ 29 ہزار ڈالر سالانہ ریکارڈ کی گئی ہے۔
خبر رساں ادارے’اناطولیہ‘ کے مطابق مانیٹری فنڈ اور عالمی بنک کی جانب سے جاری کردہ اعشاریوں میں بتایا گیا ہے کہ قطر نے قدرتی گیس کی پیداوار میں پوری دنیا میں اپنا تیسرا مقام برقرار رکھا ہے اور فی کس سالانہ آمدی ایک لاکھ 29 ہزار 726 ڈالر ریکارڈ کی گئی ہے۔
رپورٹ میں بتایا گیا ہے کہ گذشتہ سال قطر میں اوسط سالانہ آمد میں سنہ 2015ء کی نسبت کمی دیکھی گئی ہے۔ سنہ 2015ء کے دوران فی کس آمد 1 لاکھ 32 ہزار 870 ڈالر ریکارڈ کی گئی تھی۔
لکسمبرگ اس اعتبار سے 1 لاکھ ایک ہزار 936 ڈالر کے ساتھ دوسرے نمبر پر۔ سینگا پور 87 ہزار 82 ڈالرکے ساتھ تیسرے ،کویت 71 ہزار 263 ڈالر کے ساتھ چوتھے، آئرلینڈ 69 ہزار 374 ڈالر کے ساتھ پانچویں،ناروے 69 ہزار 296 ڈالر کے ساتھ چھٹے، متحدہ عرب امارات 67 ہزار 696 ڈالر کے ساتھ ساتویں، ترکی 63 ہزار 189 ڈالر کےساتھ آٹھویں نمبر پر ہے۔
