مسجد اقصیٰ میں جمعہ کے خطیب اور سپریم اسلامی کونسل کے سربراہ شیخ عکرمہ صبری نے امریکی صدر ڈونلڈ ٹرمپ کی جان سے امریکی سفارتخانے کی بیت المقدس منتقلی پر شدید تنقید کی ہے۔
شیخ صبری نے خطبہ جمعہ دیتے ہوئے کہا کہ ٹرمپ کی جانب سے یہ فیصلہ عرب اور مسلمانوں کے خلاف جنگ کا اعلان ہے اور مسلمانوں کو اس قدم کو روکنے کے لئے کام کرنا ہوگا۔
انہوں نے اسرائیل کی جانب سے فلسطینی گھروں کی مسماری اور مسجد اقصیٰ میں آبادکاروں کے بڑھتے ہوئے حملوں پر بھی تنقید کی۔ انہوں نے مقبوضہ بیت المقدس میں اسرائیلیوں کو زمین بیچنے سے خبردار کیا۔
جمعہ کے روز اسرائیلی فوج کی شدید پابندیوں کے باوجود ہزاروں فلسطینی مسجد اقصیٰ میں جمعہ کی نماز کی ادائیگی کے لئے آئے تھے۔
