قابض اسرائیلی فوج نے غزہ کی واحد کمرشل کراسنگ کرم ابو سالم بارڈر سے جمعہ کے روز قطری تیل اور گیس کی امداد لانے کی اجازت دے دی ہے۔
منیر غلبان نے مرکز اطلاعات فلسطین کو بتایا ہے کہ قطری حکومت کی جانب سے بھیجی جانے والی اس امداد میں غزہ کے پاور پلانٹ کے لئے 6000 لیٹر تیل اور گھروں میں کھانا پکانے کے لئے 120 ٹن گیس سپلائی کی جائے گی۔
غزہ میں نئی گیس پائپ لائن بچھانے کے منصوبے پر بات کرتے ہوئے غلبان کا کہنا تھا کہ اس منصوبے کی تکمیل کے لئے سامان اور تعمیراتی کام کی اجازت اسرائیل سے لینا ہوگی۔
کرم ابو سالم غزہ میں کمرشل سامان لانے کی واحد گذرگاہ ہے اور اسے مختلف وجوہات کی بناء پر بند کردیا جاتا ہے۔
