ویڈیو شیرنگ ویب سائیٹ’یوٹیوب‘ پر ان دنوں ایک ویڈیو فوٹیج تیزی کے ساتھ مقبول ہو رہی ہے جس میں ایک ننھے بچے کو الماری تلے پھنسے اپنےجڑواں بھائی کی زندگی بچاتے دکھایا گیا ہے۔
مرکزاطلاعات فلسطین کے مطابق یہ واقعہ امریکی ریاست یوٹا میں پیش آیا جہاں ایک کمرے کپڑوں کی الماری کمرے میں کھیلتے دو سگے ننھے بھائیوں پر آگری تھی۔ ایک بچہ الماری کے نیچے دب گیا اور الماری کے بوجھ سے تڑپنا شروع کردیا۔ اسی اثناء میں دوسرے بھائی نے بے چینی کے ساتھ الماری کو مختلف اطراف میں دھکا دینے کی کوشش کی۔ آخر کار وہ الماری کو بھائی کے اوپر سے کھسکانے میں کامیاب رہا اور یوں بچے کی جان بچ گئی۔ اس سارے واقعے کے دوران بچوں کے والدین قریب نہ تھے اور نہ ہی انہوں نے کمرے میں بچوں کی چیخ پکار سنی۔
ننھے بچے کا الماری تلے آ کر بچ نکلنا ایک معجزے سے کم نہیں کیونکہ گرنے والی الماری کافی بھاری ہونے کے باوجود بچہ اسے کھسکانے میں کامیاب رہا۔
یہ واقعہ تمام والدین کے لیے ایک پیغام ہے کہ وہ گھروں میں الماریوں اور دیگر سامان کو اس طرح رکھیں کہ ان کے گرنے سے بچوں اور دوسرے افراد کو کوئی خطرہ نہ ہو۔
