فلسطینی وزارت داخلہ کے زیرانتظام بارڈر اور گذرگاہ امور کے شعبے کی جانب سے جاری کردہ ایک بیان میں کہا گیا ہے کہ مصری حکام نے غزہ کی واحد بین الاقوامی گذرگاہ رفح کو آج سے تین روز کے لیے کھولنے کا اعلان کیا ہے۔
مرکزاطلاعات فلسطین کے مطابق غزہ حکام کا کہنا ہے کہ مصری بارڈر حکام کی طرف سے اطلاع دی گئی کہ ہفتے ، اتوار اور سوموار کے ایام میں رفح گذرگاہ دو طرفہ آمد ورفت کے لیے کھولنے کا اعلان کیا تھا۔
محکمہ گذرگاہ کا کہنا ہے کہ بیرون ملک سفر کے خواہش مند رجسٹرڈ افراد کے سفر کا انتظام کیا جا رہا ہے۔ اس سلسلے میں حکومت کے پاس موجود فہرست کے مطابق غزہ کی پٹی کے شہریوں کو بیرون ملک سفر کی اجازت دی جائے گی۔
خیال رہے کہ گذشتہ ہفتے کے دوران بھی تین دن کے لیے رفح گذرگاہ کھول دی تھی جس کے دوران تین لزار 555 فلسطینی شہری غزہ میں داخل ہوئے جب کہ دو ہزار 53 فلسطینیوں کو بیرون ملک جانے دیا گیا۔
