مصر کا رفح گذگاہ دو طرفہ آمد ورفت کے لیے تین دن کھولنے کا فیصلہ

فلسطینی حکام کا کہنا ہے کہ مصر نے آج ہفتے سے رفح گذرگاہ تین دن دو طرفہ آمد ورفت کے لیے کھولنے کا اعلان کیا ہے۔ رفح گذرگاہ اگلے دو روز بھی کھلی رہے گی۔

مرکزاطلاعات فلسطین کے مطابق مصری حکام نے فلسطینی باڈر انتظامیہ کو مطلع کیا تھا کہ رفح گذرگاہ اگلے تین دن کے لیے دو طرفہ آمد ورفت کے لیے کھولی جا  رہی ہے۔

مصر کے سرکاری اخبار’الیوم السابع‘ نے اپنی رپورٹ میں بتایا تھا کہ رفح گذرگاہ کو ہفتہ ، اتوار اور سوموار کے ایام میں دوطرفہ آمد ورفت کے لیے کھولا جائے گا۔

فلسطینی وزارت داخلہ کا کہنا ہے کہ رواں سال کے دوران اب تک 310 دن تک رفح گذرگاہ مسلسل بند رہی ہے۔ رواں سال میں صرف 32 دن گذرگاہ آمد روفت کے لیے کھولی گئی۔ گذشتہ برس 344 دنوں تک رفح گذرگاہ آمد ورفت کے لیے بند رکھی گئی تھی۔