حیوانات اور چرند پرند کی اگرچہ انسان کے ساتھ شکل وصورت میں کوئی مشابہت نہیں ہو سکتی مگر چین میں ایک ایسا سنہری پرندہ ہے جو کافی حد تک نو منتخب امریکی صدر ڈونلڈ ٹرمپ کے مشابہ ہے۔ ڈونلڈٹرمپ کے مشابہ پرندے کو انٹرنیٹ پر بہت مقبولیت حاصل ہوئی ہے۔
مرکزاطلاعات فلسطین کے مطابق چین کے دارالحکومت بیجنگ کے ایک چڑیا گھر میں موجود سنہری رنگ کا پرندہ زائرین کی توجہ کا مرکز ہے۔ اس کی تصاویر سوشل میڈیا پر بھی تیزی کے ساتھ مقبول ہو رہی ہیں۔
سنہری رنگ کے اس پرندے کی عمر پانچ سال بتائی جاتی ہے۔ اس کی تصویر پہلی بار ایک مقامی صحافی نے ’’ھانگچو شہر میں پوسٹ کی جو تیزی کے ساتھ وائرل ہوتی ہوئی اب پوری دنیا کی توجہ کا مرکز ہے۔ اس پرندے اور ڈونلڈ ٹرمپ کی شکل کے درمیان گہری مماثلت پائی جاتی ہے۔
پرندوں کے امور کے ماہر ایک مقامی شہری اور چڑیا گھر کے عہدیدار جاؤ ہونگ گیانگ کا کہنا ہے کہ ٹرمپ کی شکل کی نسل کے پرندے ان کے پاس پچاس کی تعداد میں موجود ہیں۔ جاؤکا کہنا ہے کہ سنہری رنگ کے پرندے کی آنکھیں نومنتخب امریکی صدر ڈونلڈ ٹرمپ کی آنکھوں کی طرح ہیں اور اس کے سپر بنی سنہری کلغی ٹرمپ کے بالوں سے کافی حد تک مشابہت رکھتی ہے۔ انٹرنیٹ پر جب یہ تصویر مقبول ہوئی تو اس کے بعد دیکھا گیا جہ اس پرندے کے نہ صرف سر پرموجود پر بلکہ اس کی آنکھیں بھی ڈونلڈ ٹرمپ سے مشابہت رکھتی ہیں۔
