فلسطین کے علاقے غزہ کی پٹی کی سمندری حدود میں ماہی گیری کرنے والے فلسطینی شہریوں پر اسرائیلی فوج نے حملہ کر کے کم سے کم چھ ماہی گیروں کو حراست میں لینے کے ساتھ ان کی کشتیاں اور دیگر آلات ضبط کر لیے ہیں۔
مرکزاطلاعات فلسطین کے مطابق منگل کے روز اسرائیلی بحریہ کی جنگی کشتیوں نے شمالی غزہ کے ساحلی علاقے بیت لاھیا کے قریب سمندر میں مچھلیوں کا شکار کرنے والے فلسطینیوں پر فائرنگ کی۔ قابض فوج نے فلسطینی ماہی گیروں کی کشتیوں کا گھیراؤ کرنے کے بعد چھ ماہی گیروں کو گرفتار کر لیا اور ان کی کشتیاں بھی چھین لی گئیں۔
مقامی فلسطینی شہریوں کا کہنا ہے کہ قابض فوج نے منگل کے روز سمندر میں موجود مچھیروں کے خلاف کارروائی کرتے ہوئے محمد، شاھر،علاء، خالد ابو ریالہ اور حسن ابو سمعان کو حراست میں لینے کے بعد نامعلوم مقام پر منتقل کر دیا۔
