فلسطین کے مقبوضہ مغربی کنارے کے وسطی شہر رام اللہ میں بیتونیا کے مقام پر قابض صہیونی فوج نے ایک تیرہ سالہ فلسطینی بچے کو وحشیانہ تشدد کا نشانہ بنایا جس کے نتیجے میں بچے کی ہڈیاں ٹوٹ گئی ہیں۔
مرکزاطلاعات فلسطین کے مطابق ہلال احمر فلسطین کی طرف سے جاری کردہ ایک بیان میں بتاگیا ہے کہ اسرائیلی فوجیوں نے بتونیاں میں گھروں میں تلاشی کی کارروائی کے دوران 13 سالہ امیر مراد فروخ کو لاتوں، گھونوں، لاٹھیوں اور بندوق کے بٹ سے وحشیانہ تشدد کا نشانہ بنایا۔
ہلال احمر کا کہنا ہے کہ زخمی بچے کو رام اللہ کے ایک اسپتال میں داخل کیا گیا ہے۔ ڈاکٹروں کا کہنا ہے کہ ہولناک تشدد سے بچے کے جسم کی کئی ہڈیاں ٹوٹ چکی ہیں اور اس کی حالت بدستورتشویشناک ہے۔
مقامی فلسطینی ذرائع کا کہنا ہے کہ اسرائیلی فوجیوں نے فلسطینی بچے کو بیتونیا میں ’’ادریس فارم ہاؤس‘‘ کے قریب تشدد کا نشانہ بنایا۔ یہ فارم ہاؤس اسرائیلی فوج کے زیرتسلط بائی روڈ پر واقع ہے۔
