اسرائیلی ذرائع ابلاغ کی رپورٹس میں بتایا گیا ہے کہ فوج جرمنی سے جدید آلات سے لیس ’’ڈولفن‘‘ آبدوزیں خرید کرنے کے لیے تیار ہے۔
عبرانی اخبار ’’معاریو‘‘ نے اپنی رپورٹ میں کہا ہے کہ عسکری قیادت جرمنی سےتین عدد ڈولفن آبدوزیں خرید کرنے کے لیے تیار ہے۔
اخباری رپورٹ میں عسکری ذرائع کے حوالے سے کہا گیا ہے کہ صہیونی فوج جلد ہی جرمنی سے تین ڈولفن آبدوزیں خرید کرےگی۔ نئے آبدوزیں جدید ترین مواصلات آلات اور جنگی سہولیات سے لیس ہوں گی۔ جس کے بعد اسرائیل کے پاس ڈولفن طرز کی آبدوزوں کی تعداد نو ہوجائے گی۔
رپورٹ میں کہا گیا ہے کہ اسرائیل اور جرمنی آئندہ ماہ ڈولفن کی خریداری کے لیے باہمی ڈیل کریں گے۔
