اسرائیلی جیلوں میں قید دو فلسطینی اسیران نے بلا جواز انتظامی حراست کےخلاف بہ طور احتجاج کل سے بھوک ہڑتال شرروع کی ہے۔ جس کے بعد اسرائیلی زندانوں میں انتظامی حراست کے خلاف بھوک ہڑتال کرنے والے فلسطینی قیدیوں کی تعداد 6 ہو گئی ہے۔
مرکزاطلاعات فلسطین کے مطابق کلب برائے اسیران کی طرف سے جاری کیے گئے ایک بیان میں بتایا گیا ہے کہ دو فلسطینی قیدیوں مجد حسن ابو شملہ اور حسین علی رباعیہ نے بلا جواز انتظامی قید کے خلاف بھوک ہڑتال شروع کی ہے۔
بیان کے مطابق 24 سالہ ابو شملہ کا تعلق جنین شہر کے یعبد قصبے سے ہے۔ اسے 27جنوری 2016ء کو حراست میں لیا گیا تھا جب کہ ء کو حراست میں لیا گیا تھا جب کہ 31 سالہ رباعیہ بھی جنین شہر کے میثلون قصبے سے ہیں اور 31 مارچ 2016ء سے جزیرہ نقب کی جیل میں انتظامی حراست کے تحت پابند سلاسل ہیں۔ اسیران کلب کا کہنا ہے کہ اسرائیلی زندانوں میں بھوک ہڑتال جاری رکھنے والے فلسطینی اسیران کی تعداد 6 ہوگئی ہے۔
