فیس بک کی انتظامیہ نے فلسطینیوں کی حمایت میں بنائے جانے والے پیجز اور حماس سے جڑے فیس بک اکائونٹس بند کردئیے ہیں۔ فیس بک کی انتظامیہ نے پچھلے کچھ گھنٹوں کے دوران متعدد فلسطینی پیج بند کردئیے ہیں۔
کئی آن لائن سماجی کارکنوں نے الزام لگایا ہے کہ فیس بک انتظامیہ سماجی رابطے کی ویب سائٹ پر فلسطین نواز آوازوں کو خاموش کرنے کے لئے ان کے اکائونٹس پر پابندی لگا رہی ہے۔
ان کارکنان کے مطابق انہوں نے ان پیجز پر فیس بک کے قوانین کی پابندی کے خلاف ورزی نہیں کی تھی۔ فلسطین الحوار نامی ایک فیس بک پیج کو ایک لاکھ 45 ہزار افراد نے لائیک کیا ہوا ہے مگر اس کے باوجود اس کو بند کردیا گیا۔
ایک اسرائیلی اخبار کے مطابق پچھلے کچھ دنوں کے دوران دو اسرائیلی وزراء نے فیس بک کی انتظامیہ سے ملاقات کی ہے کہ تاکہ وہ "تعاون” کے مزید مواقع بڑھا دیں۔
