اردن کے صدر مقام عمان میں حال ہی میں منعقدہ ہونے والے تیسری عرب ابلاغیات مقابلے میں فلسطین سے نشریات پیش کرنے والے ’’القدس سیٹلائیٹ نیوز چینل‘‘ نے چاندی اور کانسی کے دو تمغے جیت لیے۔
مرکزاطلاعات فلسطین کے مطابق تیسرے سالانہ عرب ابلاغیات مقابلے کا انعقاد حال ہی میں عمان میں ہوا تھا جس میں عرب ممالک کے سرکردہ ابلاغی ، اشاعتی اور نشریاتی اداروں کے نمائندگان نے شرکت کی۔ اس موقع پر القدس سیٹلائیٹ چینل کے ایک فلیگ شیپ ٹاک شو کو بہترین پروگرام قرار دیتے ہوئے چاندی کا تمغہ دیا گیا جب کہ اخباری رپورٹس پر کانسی کے تمغےسے نوازا گیا ہے۔
القدس ٹی وی کی رام اللہ میں متعین نامہ نگار لندا شلش کو اس ٹی وی چینل کی بہترین رپورٹر قرار دیا اور اس کی رپورٹس کی بنیاد پر ٹی وی کو کانسی کا تمغہ دیا گیا جب کہ ماہ صیام میں پیش کیے جانے والے پروگرام ’’ھلال و موال‘‘ کو چاندی کا تمغہ ملا ہے۔
القدس ٹی وی کو ملنے والے تمغوں پر فلسطینی صحافتی حلقوں کی طرف سے ٹی وی کی انتظامیہ اور ادارے سے وابستہ صحافیوں کو مبارک باد پیش کی ہے۔ مبصرین کا کہنا ہے کہ القدس ٹی وی کو عرب دنیا کے ابلاغی مقابلے میں انعامات ملنا ٹی وی کی پیشہ وارانہ معیار پر مہر تصدیق ثبت کرنے کے مترادف ہے۔
